Zarauzko Hitzak hondartzako argazki zahar batekin abiatu zuen Zaharrak Berri atala eta inguru berera jo du bigarren argitalpenean ere. Oraingoan, ordea, Villa Santillanan jarri nahi izan du arreta; izan ere, duela 55 urte grabatu zuten Battle of Britain filmeko kokaguneetako bat izan zen.
Bigarren mundu gerran girotuta, abiazio britainiarraren eta Luftwaffe naziaren arteko batailaren nondik norakoak kontatzen ditu ikus-entzunezkoak, eta, Villa Santillana tropa nazien egoitza izan zen fikzioan. Zehatzago esateko, Frantziako Calaiseko portua irudikatzeko erabili zuten, bigarren mundu gerran Ingalaterrako kostaldetik gertuen zegoena baitzen. Filma 1969ko irailean estreinatu zuten.