Ziurtagiriaren elkarteko zuzendari Rober Gutierrez eta Zarauzko alkate Xabier Txurrukan sinatu dute akordioa. Gutierrezek esker hitzak izan ditu, eta urte hauetako elkarlana "emankorra" izan dela nabarmendu du. Esparru sozio-ekonomikoan euskararen erabilera indartzea helburuetako bat dutenez, establezimenduek eta eragileek urteotan izan duten eragina "harro egoteko modukoa" dela adierazi du: "Euskaraz lan egin eta bizi daitekeela erakutsi dute". Bere esanetan, oraindik lan handia dago egiteko, "baina haien ereduarekin errazagoa izango da".
Zarautz herri euskalduna dela azpimarratu du Txurrukak, biztanlegoaren %70a. "Baina oraindik ere euskaldunagoa izatea nahi dugu, eta halaxe izango da urte batzuren buruan euskararen normalizazioaren alde jarraitzen badugu". Horretarako, ezinbestekotzat jo du euskararen erabilera. Merkataritza, ostalaritza eta zerbitzuen sektoreak garrantzi handia du udalerrian, eta "argi dago euskarak bere tokia izan behar duela bertan". Udalak bide horretan ahalegintzen ari direnei laguntzen jarraituko duela adierazi du alkateak.