Izurde txiki bat agertu da goizen goiz hondartzan, eta haren presentziak ikusmina sortu du bertatik igaro diren herritarren artean. Antza denez, gaixo edo hiltzear daudenean itsasertzera gerturatzen dira, eta halakoetan egin ohi den bezala, Ambar elkarteari deitu diote animalia artatzera etor daitezen.
Bitarte horretan, hainbat alditan saiatu dira izurdea itsasora eramaten, besoetan hartuta eta arraun surfeko taula baten laguntzaz ere bai. Alferrikako lanak izan dira; izan ere, izurdea bera urertzera itzultzen zen behin eta berriz.
Azkenean surflari batzuek itsaso barrura eraman dute taulaz lagunduta, eta bere bideari ekin dio 11:00ak inguru zirela.