Eskolarteko XXX. Mendi Lehiaketaren barruan, ibilaldi neurtuak egingo dituzte martxoaren 12an Gipuzkoako eskualde desberdinetan. Urola Kostakoa Zarautzen egingo dute aurten, Pagoeta Mendizale Elkarteak antolatuta.
Parte hartzaileak 08:30ak eta 09:00ak artean abiatuko dira Iñurritzako zelaitik, herriko parajeetan zehar: malekoia, Santa Barbara, Zingira, Mollarri eta Talaimendi inguruetan. Bi ibilbide izango dira aukeran: bata, luzea, 11 kilometrotakoa, eta bestea, motza, 6,5 kilometro pasatxokoa.
Ibilaldian hiru kontrol gunetatik pasatu beharko dute gaztetxoek, eta ibilbideak osatzeko denbora muga ere izango dute: luzearen kasuan, hiru ordu eta erdi, eta moztzean, bi ordu eta erdi. Helmuga Iñurritzan izango dute.
Ibilaldian ikastetxeetako ikasle guztiek hartu ahal izango dute parte. Taldeka osatu ohi da ibilbidea; gutxienez hiru lagunez osatua, eta gehienez ere bost lagunez. Izena eman nahi dutenek Pagoeta Mendizale Elkarteari bidali beharko dio izen-emate orria edo beren datuak, martxoaren 9a baino lehen. Haiekin harremanetan jarri nahi dutenek 943-13 10 85 edo 689-04 53 21 telefono zenbakietara deitu dezake edo pagoetame@gmail posta elektronikora idatzi.