'Solo' familia antzerkirako sarrerak
Datorren igandean, apirilaren 28an, Roi Borrallas konpainiak Solo familia antzerkia eskainiko dute Modelo aretoan. 16:45ean hasiko da saioa eta Zarauzko Hitzak Zarauzko Udalaren Kultura sailak emandako hiru sarrera bikoitz zozkatuko ditu, haren atari digitaleko erabiltzaileen artean.
Zozketan parte hartzeko interesa dutenek osteguneko, apirilaren 25eko, 12:30 arte dute izena emateko aukera.
' Los Perros' dantza ikuskizunerako sarrerak
Datorren ostiralean, apirilaren 26an, Led Silhouette eta Marcos Morauk Los Perros dantza ikuskizuna taularatuko dute Modelo aretoan. 20:00etan hasiko da saioa eta Zarauzko Hitzak Zarauzko Udalaren Kultura sailak emandako bi sarrera bikoitz zozkatuko ditu, haren atari digitaleko erabiltzaileen artean.
Zozketan parte hartzeko interesa dutenek osteguneko, apirilaren 25eko, 12:30 arte dute izena emateko aukera.
'Txori kantazale' emanaldirako bi sarrera bikoitz
Txori kantazale Xabier Leteren ildoa oinarri duen emanaldia eskainiko dute Alex Gurrutxaga idazleak eta Joana Otxoa de Alaiza musikariak apirilaren 12an, ostirala, 20:00etan, Modelo aretoan. 2020an Eusko Ikaskuntza - Laboral Kutxa Gazte Saria jaso zuten idazleak eta musikariak, eta horri esker, 2022an Txori kantazale disko-liburua kaleratu zuten. Leteren obran murgiltzeko gonbita egiten duten pianorako piezak eta azalpen literarioak uztartzen ditu lanak.
Hogei pieza ditu guztira diskoak, boltz multzotan banatuta: Leteren musika, haren belaunaldikideena, kantu tradizionala, musika klasikoa eta Otxoa de Alaizak berak sortutakoa. Apirilaren 12ko emanaldian Alex Gurrutxuga izango da errezitatzailea, Joana Otxoa de Alaizak jardungo du pianoan eta Joxan Goikoetxeak akordeoia joko du.
'Lasala 10 urte' dantza ikuskizuna ikusteko bi sarrera bikoitz
Ikuskizunean Lasala dantza konpainiaren piezarik adierazgarrienak gogoratuko dituzte ikusentzuleek, eta bertan "bidaia bat egingo dute konpainiaren hasieratik gaur egunera arte". Lasalak aitorpen ugari jaso ditu Euskal Herrian, Espainian eta konpainiaren proiektu koreografikoaren uhinak beste hainbat herrialdetara ere iritsi dira: Taiwan, Kanada…
Zarauzko Hitza Guka: Goenaga jogurten sorta
Goenaga jogurtez osatutako saskia zozkatuko dugu Zarauzko Hitza Gukan.
Ostiraleko 12:00ak arte izango da zozketarako izena emateko epea zabalik.
Zorte on!
'Anbotoko Mari' haur antzerkirako bi sarrera bikoitz
Martxoaren 17an, igandea, Anbotoko Mari haurrentzako ikuskizuna eskainiko du Logela Multimedia taldeak, Modelo aretoan, 16:45ean hasita. Zarauzko Hitzak bi sarrera bikoitz zozkatuko ditu, Zarauzko Udalaren Kultura sailaren eskutik.
Anbotoko Mari antzerkia, bideo animazioa, interakzioa eta musika biltzen dituen antzezlan multimedia da, eta 3 eta 10 urte bitarteko umeei zuzenduta dago. Gari lagunekin haserretu eta bakarrik abiatuko da Anbotora, eta bertan Mariren haitzuloan sartu eta harri magikoa lapurtu eta alde egingo du, harria lagunei erakusteko asmoarekin. Anbotoko Mari atzetik abiatuko zaio mendirik mendi eta "Garik gero eta magia txoroagoak egingo ditu harriarekin". Marik, bere aldetik, Tartaloren, iratxoen eta beste jeinu batzuen laguntza eskatu beharko du harria berreskuratzeko.
Zozketan parte hartzeko epea ostiralean 12:00etan bukatuko da.
Zarauzko Hitza Guka: Errigoraren bi saski
Udaberriko Errigoraren Eutsi goiari! kanpaina hasi da eta Zarauzko Hitza Gukak produktuz betariko bi saski ditu zozketan.
Osteguneko 12:00ak arte izango da zozketarako izena emateko epea zabalik.
Zorte on!
Amoranteren kontzerturako sarrerak
Datorren ostiralean, martxoaren 15ean, Amorantek Harri herri har disko berria aurkeztuko du zuzenean Modelo aretoan. 20:00etan hasiko da saioa eta Zarauzko Hitzak Zarauzko Udalaren Kultura sailak emandako bi sarrera bikoitz zozkatuko ditu, haren atari digitaleko erabiltzaileen artean. Zozketan parte hartzeko interesa dutenek osteguneko, martxoaren 14ko, 12:30 arte dute izena emateko aukera.
'Bo jauna' umeentzako antzezlanerako bi sarrera bikoitz
Jokin Oregi da Bo jauna antzezlanaren egilea eta zuzendaria, eta lau aktore aterako dira oholtzara: Ana Martinez, Ana Meabe, Javier Renobales eta Anduriña Zurutuza.
Antzezlana otsailaren 25ean, igandea, egingo dute 16:45ean Modelon, eta ikuskizunean hiru zerbitzarik Bo jaunaren esan guztiak betetzen dituzte, horretara ohituta daude. Bizi osoa daramate Bo nagusi jaunaren agindupean, ume koskor zirenetik. Batzuetan pentsatzen dute mundua nolakoa izango litzatekeen haiek nagusi izango balira, agintea izango balute edo beste inoren mende egongo ez balira.
Agintari-plantak egiten dituzte jolasean, eta besteak haien zerbitzari direla irudikatzen dute. Nagusia umea zenean, zerbitzariek izan zuten "ez!" esateko aukera, baina ez zuten halakorik egin, eta ordutik intimidazioz aritu da urte luzeetan.
Haien arteko harremana guztiz morrontzakoa da, agindupekoa, baina, halako batean, "ez!" esateko aukera sortu da...
Ostegunean, otsailaren 22an, 12:00etan amaituko da zozketan parte hartzeko aukera.
'Almazenean' antzezlanerako bi sarrera bikoitz
Txalo Produkzioak taldearen Almazenean antzezlana eskainiko dute otsailaren 23an, ostirala, Iker Galarza eta Zuhaitz Gurutxga aktoreek. David Desolak sortu du lana eta Begoña Bilbaok zuzentzen du. 20:00etan hasiko da ikuskizuna eta Zarauzko Hitzak udaleko Kultura sailak emandako bi sarrera bikoitz zozkatuko ditu irakurleen artean.
Antzezlanak erretiroa hartzear den biltegi bateko arduradunaren eta hura ordezkatuko duen langilearen istorioa kontatuko du. Bost egunez, lantokia, erlojuaren tik-tak okerra, bi ezezagunen arteko isilune deserosoak, esperoan egotearen amorrazioa, elkarren arteko gatazkak eta gezur handi baten zama partekatu beharko dituzte. Horrek guztiak bi langileen arteko harremana estutuko du; izan ere, konturatuko dira uste baino gauza gehiago dituztela aman komunean.
Zozketa ostegunean itxiko da 12:00etan.
'Harri salda' haur antzezlanerako sarrerak
Urtarrilaren 28an, igandea, Harri salda haurrentzako ikuskizuna eskainiko du Engruna Teatre taldeak, Modelo aretoan, 16:45ean hasita. Zarauzko Hitzak bi sarrera bikoitz zozkatuko ditu, Zarauzko Udalaren Kultura sailaren eskutik.
Antzezlanak Alma izeneko neskaren istorioa kontatuko du. Herrialdetik ihes egin ondoren, leku ezezagun batera iritsiko da Alma non mundu guztiak denetik duen, baina inork ez duen nahi harekin ezer partekatu. Horren aurrean, talde lana eskatzen duen harri zopa prestatuko du protagonistak, eta, modu horretan bizitzari buruzko lezio bat emango die hasiera batean ateak itxi zizkioten guztiei.
Zozketan parte hartzeko epea ostiraleko 12:00ean bukatuko da.
'Mierda de Ciudad' obra ikusteko bi sarrera bikoitz
Mierda de Ciudad proiektu eszeniko performatibo bat da, eta urtarrilaren 26an, ostiralarekin, Modelo aretoan eskainiko du Olatz Gorrotxategi antzerkigileak eta bere lantaldeak. Euskal Rock Erradikalaren mugimendu kontrakulturala eta horri lotutako borroka eta musikaren testuinguru historikoa kontatzen ditu obrak. Horretarako, westerna eta kolonizazio kulturala erabiltzen ditu analogia gisa. Hiru interpretek eta zeharkako hiru artistek lehen pertsonan kontatuko dute istorioa.
Zarauzko Udaleko Kultura departamentuaren eskutik, bi sarrera bikoitz zozkatuko ditu Zarauzko Hitza Gukak bere erabiltzaileen artean. Parte hartzeko epea urtarrilaren 25eko, osteguneko, 12:30ean bukatuko da.
Zarauzko Hitza: Pirritx, Porrotx eta Marimototsen ‘Txapasen kaxa magikoa’ disko – liburua
Josu Txapartegi Txapas Zarrauztarraren abestiez osatutako Pirritx, Porrotx eta Marimototsen disko – liburu musikatua dugu ‘Txapasen kaxa magikoa’ eta Zarauzko Hitza Gukak hiru ale zozkatuko ditu parte hartzaileen artean.
Osteguneko 12:00ak arte izango da zozketan izena emateko epea zabalik.
Gari & Maldanbera taldearen kontzerturako sarrerak
Gari & Maldanbera taldeak kontzertua eskainiko du urtarrilaren 12an, 20:00etatik aurrera, Modelo aretoan. Zuzenean diskoaren biran murgilduta ibili da taldea Euskal Herri osoan, eta Zarauzko emanaldia aipatu biraren azken ukitua izango da, disko berria grabatzeko estudiora sartu baino lehen.
Zarauzko Hitzak bi sarrera bikoitz zozkatuko ditu bere erabiltzaileen artean, Zarauzko Udalaren Kultura sailaren eskutik. Zozketan parte hartzeko epea zabalik dago jada, eta urtarrilaren 11ko 12:30era arte eman ahalko da izena.
Iñaki eta Olatz Salvadorren emanaldirako bi sarrera bikoitz
Ostiral honetan, abenduaren 22an, Familia artean musika emanaldia eskainiko dute Iñaki eta Olatz Salvador osaba-ilobek Modelo aretoan. 20:00etan hasiko da saioa eta Zarauzko Hitzak Zarauzko Udalaren Kultura sailak emandako bi sarrera bikoitz zozkatuko ditu, haren atari digitaleko erabiltzaileen aretan. Zozketan parte hartzeko interesa dutenek osteguneko 16:30 arte dute izena emateko aukera.