Gaur, ekainaren 1ean, izango da ekitaldia Garoa liburu dendan, 19:00etatik aurrera. Duela lau urte argitaratutako Zarauzko postalak lanaren jarraipena da, eta bertan, testigantza nahiz agirien bidez, 1936ko udan eta diktadura hasieran Zarautzen gertatutakoak jaso ditu. Berria egunkariak elkarrizketatu du.
Larunbatean Gasteizko Andra Maria Zuriaren plazatik (17:30) abiatuko da manifestazioa Guk argi daukagu, herria bizirik: Errekaleor defenda dezagun lelo hartuta. Zarauztik autobusak antolatu dituzte Gasteizko Errekaleorreko bizilagunekin aldeko mobilizaziora joateko. Autobusetarako izena Eguzki, Arrano eta Mauka tabernetan eman daiteka. Gaur, 19:00etan, elkartasun argazkia aterako dute Lege Zaharren enparantzan.
Bilera egingo dute gaur boluntarioekin, auzoko Bolatokian, 20:00etatik aurrera.
Bost erakusketa jarriko dituzte ikusgai herriko hainbat gunetan.
XXV. Argazki Bileraren barruko azken erakusketa zabaldu berri dute Photomuseumen: Gabriel Cuallado (Massanassa, 1925-Madril, 2003) zenaren Argazkiak. Espainiako XX. mendeko argazkigintzaren erreferentearen zuri-beltzezko argazki sorta paratu dute, eta ekainaren 4a bitartean izango da ikusgai.
Uztailean eta abuztuan hainbat ekitaldi izango dira; erantsitako artxiboan ikus daitezke egunez egun antolatu dituzten gauzak.