Urriaren 29ra arte egongo da ikusgai Luis Cuartero. Cheren Boliviako lekukoa erakusketa.
Juan Mari Gibelalderen artelanen ondoren, erakusketa berria zabaldu dute Lukas ardotegian. Jose Mari Ruiz Etxeberriak dronarekin ateratako argazkiak daude oraingoan ikusgai. Joan den ostegunean inauguratu zuten eta azaroaren 2a bitartean iraungo du.
Zarauzko Parekidetasun sailak ziklo berezi bat antolatu du, berdintasunari eta indarkeria matxistari buruz. Bina film eta antzezlan eskainiko dituzte urriko lehen hamabostaldian.
Karta jokoen txapelketetarako izen-ematea hilaren 22an bukatuko da, eta urriaren 7ko bazkarirako txartelak hilaren 26a bitartean salduko dituzte.