Bigarren urtez, udazkeneko lore eta landareen azoka izango da larunbat honetan, hilaren 4ean, Zigordia kalean. 10:00etatik 14:30era askotariko postuak jarriko dituzte lore eta landare auzea zabala eskaintzeko: barnekoak, sasoikoak, usaindunak eta zuhaixkak, besteak beste. Era berean, landareetatik eratorritako produktuak izango dira salgai, hala nola, xaboiak, kosmetikoak, sendagai naturalak, haziak, sendabelarrak, lore lehorrak eta baita bitxiak ere.
Juncal Agirre margolariaren lana fotoerrealismoan dago oinarrituta. "Detaileetan zehaztasunaren bila ibiltzen naiz, horretarako zehaztasuna alderatuz bai efektu espazialaren irrealtasunarekin eta, baita ere, errealitatearen detaile bisualak gai pintorikoetan bihurtzeko gaitasunarekin", azaldu du artistak.
Fernando Maselli argentinarraren atzera begirako erakusketa ikus daiteke Zarauzko Argazki eta Zinema Museoan. Mendia da argazkietako protagonista nagusia, diskurtso nabarmen batekin: paisaia eta horren eraikitze formala nahiz kontzeptuala. Urriaren 31n inauguratu zuten, eta azaroaren 26a bitartean bisitatu ahal izango da.