Azaroaren 16an, arratsaldeko 19:00 etan, Zarauzko Alkartetxean, hileko ohiko batzar irekia izango dugu. Beti bezala gonbidatua zaude, zatoz eta parte hartu!
Urtero legez, Txipristin aisialdi taldeak topaketak antolatu ditu Gabonetarako. Horren inguruko xehetasunak emateko, guraso bilera deitu dute partaideek. Azaroaren 15ean izango da, 19:00etan, Zuberoa kaleko 22. zenbakian duten egoitzan. Azaroaren 17an eman ahalko da izena topaketetan, 17:00etatik 19:00etara, Txipristinen egoitzan bertan.
Fernando Maselli argentinarraren atzera begirako erakusketa ikus daiteke Zarauzko Argazki eta Zinema Museoan. Mendia da argazkietako protagonista nagusia, diskurtso nabarmen batekin: paisaia eta horren eraikitze formala nahiz kontzeptuala. Urriaren 31n inauguratu zuten, eta azaroaren 26a bitartean bisitatu ahal izango da.
Azaroaren 10ean zabaldu zuen Lanak eta egunak erakusketa berria argazkilari zarauztarrak, eta abenduaren 17a bitartean ikusteko aukera izango da; egunero, 18:00etatik 20:00etara, Torre Luzeako aretoan. Polaroidaren manipulaketaz eginiko irudiak paratu ditu, eta horietan Getariako nahiz Orioko itsas bizitza du erakusgai: arrantzaleak, saregileak eta itsasontziak, esaterako.