Igandea, azaroak 26

BABARRUN BAZKARIA ALKARTASUNA ELKARTEAN

Azaroaren 26an, igandea, eguerdiko 14:00etan urtero Alkartetxean egiten dugun BABARRUN BAZKARIA izango dugu, gura baduzu izena eman mugikor honetara deituaz 660931692

17:00

Txokolatada solidarioa

Errefuxiatuen aldeko elkartasun ekitaldia izango da igandekoa. 17:00etatik 19:00etara La Perla kafetegian egingo dute txokolatada. Bertaratzen direnek txokolate beroa eta txurroak jateko aukera izango dute, 4 euro ordainduta. Hotz Zarautz GKEak Laia janari dendan eta La Perla bertan jarri ditu salgai txartelak. Bildutako dirua errefuxiatuei laguntzeko proiektuetara bideratuko dute.

10:00

20:00

'Paisaia eraikitzea' argazki erakusketa

Fernando Maselli argentinarraren atzera begirako erakusketa ikus daiteke Zarauzko Argazki eta Zinema Museoan. Mendia da argazkietako protagonista nagusia, diskurtso nabarmen batekin: paisaia eta horren eraikitze formala nahiz kontzeptuala. Urriaren 31n inauguratu zuten, eta azaroaren 26a bitartean bisitatu ahal izango da.

18:00

20:00

Ramon Serrasen 'Lanak eta egunak' erakusketa

Azaroaren 10ean zabaldu zuen Lanak eta egunak erakusketa berria argazkilari zarauztarrak, eta abenduaren 17a bitartean ikusteko aukera izango da; egunero, 18:00etatik 20:00etara, Torre Luzeako aretoan. Polaroidaren manipulaketaz eginiko irudiak paratu ditu, eta horietan Getariako nahiz Orioko itsas bizitza du erakusgai: arrantzaleak, saregileak eta itsasontziak, esaterako.

19:00

20:00

XXV. Zarauzko Argazki Mostra

Zarauzko Argazkizale Elkarteak XXV. Nazioarteko Argazki Mostra antolatu du, eta gaur arratsaldean (azaroaren 17an) inauguratuko dute Sanz Enea kultur etxean, 19:00etan. Honako argazkilari hauen lana izango dira bertan ikusgai: Jorge Castejon, Iñaki Delgado, Colin Flockton eta Laura Madrazo. Erakusketa urtarrilaren 21era arte egongo da zabalik, 18:00­eta­tik 20:00etara.

19:00

20:00

'Bide luzea berdintasunerako: Euskadiko emakumeak XX. mendean'

Bihar zabalduko dute Bide luzea berdintasunerako: Euskadiko emakumeak XX. mendean erakusketa, Merkatu plazako lehen solairuan; inaugurazioa 19:00etan izango da. Mario Onaindia Fundazioak antolatu du, Parekidetasun Departamentuarekin, Vital Fundazioarekin eta Kutxa Fundazioarekin lankidetzan, Emakumenganako Indarkeriaren Aurkako Egunaren harira.