Astelehena, azaroak 27

19:30

'Bake artisauak. Zergatik Parisera?' hitzaldia

Bake artisauak. Zergatik Parisera? hitzaldia izango da astelehenean, Antoniano aretoan 19:30etik aurrera. Mertxe Colina eta Anne Marie Bordes bakegileek eskainiko dute. Bestalde, abenduaren 9an Parisen egingo duten mobilizaziora joateko autobusak antolatu dituzte. Arrano eta Eguzki tabernetan eman daiteke izena.

18:00

20:00

Ramon Serrasen 'Lanak eta egunak' erakusketa

Azaroaren 10ean zabaldu zuen Lanak eta egunak erakusketa berria argazkilari zarauztarrak, eta abenduaren 17a bitartean ikusteko aukera izango da; egunero, 18:00etatik 20:00etara, Torre Luzeako aretoan. Polaroidaren manipulaketaz eginiko irudiak paratu ditu, eta horietan Getariako nahiz Orioko itsas bizitza du erakusgai: arrantzaleak, saregileak eta itsasontziak, esaterako.

19:00

20:00

'Bide luzea berdintasunerako: Euskadiko emakumeak XX. mendean'

Bihar zabalduko dute Bide luzea berdintasunerako: Euskadiko emakumeak XX. mendean erakusketa, Merkatu plazako lehen solairuan; inaugurazioa 19:00etan izango da. Mario Onaindia Fundazioak antolatu du, Parekidetasun Departamentuarekin, Vital Fundazioarekin eta Kutxa Fundazioarekin lankidetzan, Emakumenganako Indarkeriaren Aurkako Egunaren harira.

19:00

20:00

XXV. Zarauzko Argazki Mostra

Zarauzko Argazkizale Elkarteak XXV. Nazioarteko Argazki Mostra antolatu du, eta gaur arratsaldean (azaroaren 17an) inauguratuko dute Sanz Enea kultur etxean, 19:00etan. Honako argazkilari hauen lana izango dira bertan ikusgai: Jorge Castejon, Iñaki Delgado, Colin Flockton eta Laura Madrazo. Erakusketa urtarrilaren 21era arte egongo da zabalik, 18:00­eta­tik 20:00etara.