Judith Gagoren argazki erakusketaren ondoren, orain Antonia Faus margolariaren lanak daude ikusgai Lukas ardotegian (Ipar kalea, 3). Modu autodidaktan ikasitakoa da Faus, eta olio pinturaz landutako margolan figuratiboak jarri ditu erakusgai. Aurreko astean ireki zuen erakusketa, eta datorren apirilaren 12a bitartean bisitatu ahal izango da.
Hona hemen Zarauzt Rugby Taldeak Aste Santurako antolatu duen garagardo azokako egitaraua. Martxoaren 28tik apirilaren 2ra izango da, eta lehen egunean, 20:00etan, inaugurazio ekitaldia egingo dute, Jose Ramon Iruretagoena Izeta II.a omenduz. Urtero bezala, musika emanaldiak izango dira hgauetan, eta mus txapelketa azkarra jokatuko dute hilaren 30ean.
Euskal Herriko Itzulia Zarauztik abiatuko da apirilaren 2an eta Eibarren amaituko da bost egun geroago.