Judith Gagoren argazki erakusketaren ondoren, orain Antonia Faus margolariaren lanak daude ikusgai Lukas ardotegian (Ipar kalea, 3). Modu autodidaktan ikasitakoa da Faus, eta olio pinturaz landutako margolan figuratiboak jarri ditu erakusgai. Aurreko astean ireki zuen erakusketa, eta datorren apirilaren 12a bitartean bisitatu ahal izango da.
Pro Zarautz surf txapelketaren barruan, musika eta kultura egitarau oparoa eskainiko dute aurten ere. FederArte banda lehiaketa High Felicity taldeak irabazi duela jakinarazi dute, eta kontzertuetarako sarrerak salgai jarri dituzte.