Larunbata, ekainak 9

20:30

Coral Elizondo abesbatzaren kontzertua Frantziskotarren elizan

Larunbatean, ekainaren 9an, kontzertua emango du Elizondoko Coral Elizondo abesbatzak Frantziskotarren elizan. Zarautz Abesbatzarekin elkartrukea egitera dator Baztango taldea. Bertako abesbatzak emango dio hasiera emanaldiari, eta ondoren, 20:30ean, Coral Elizondo abesbatza entzuteko aukera izango da, Imanol Elizasu piano jotzailea lagun dutela.

10:00

20:00

68ko Maiatzeko kartelak

68ko Maiatza deituriko gertakarien 50. urtemuga dela eta, Atellier Populaire sormen tailerrak ekoitzitako Paul & Annie Azoulay Bildumako kartel originalen erakusketa ireki du Photomuseumek. Erakusketa asteartean zabaldu zuten eta uztailaren 1a bitartean izango da ikusgai.

18:00

20:00

Zarauzko Argazkizale Elkartearen erakusketa

Torre Luzeako aretoak Zarauzko Argazkizale Elkartearen erakusketa jasoko du maiatzaren 17tik uztailaren 1 bitartean. Erakusketa egunero egongo da irekita, arratsaldez, 18:00etaik 20:00etara.

18:00

20:00

Arte Ederretako ikasleen erakusketa

Leioako Arte Ederren Fakultateko ikasleen lanen erakusketa zabalduko dute bihar (ekainak 8) Sanz Enea kultur etxean. Bertan, pintura, keramika eta ikus-entzunekoak ikusteko aukera izango da, hilabetez, uztailaren 8ra arte; egunero, 18:00etatik 20:00etara.

08:00

17:00

Gure Sheepdog Trial artzain txakur lehiaketa

Gure Sheepdog Trial artzain txakur lehiaketa jokatuko da asteburu honetan, Talaimendin, Zarauzko goiko kanpinaren ondoan. Border Collie txakurrekin lehiatuko dira parte hartzaileak; larunbatean (ekainak 9), 08:00etatik 17:00etara, eta igandean (ekainak 10), 08:00etatik 16:00etara. Probaz gain, ile- mozte erakustaldia, herri kirolak, artzain gazten salmenta eta taberna ere izango dira bertan. Sarrera doakoa izango da. Jexux Larrañaga zarauztarrak antolatu du egitasmoa, Zarauzko Udalaren laguntzarekin.