201,9 kilometroko bidea egingo du kateak, gutxienez 100.000 lagun beharko direla azaldu dute antolatzaileek.
Igande honetan, ekainaren 10ean, hardcore kontzertua izango da Putzuzulon. Bertan, Europan zehar biran dabilen Freaknationek eta Donostialdeko Pato Patok kontzertuak eskainiko dituzte arratsaldeko 19:00etatik aurrera.
Tarteka Jazz saio literarioa izango da igande honetan Marina Txiki tabernan, 20:00etan. Oraingo honetan, Angel Erro idazlea izango da gonbidatua, eta Serge Gainsbourg, poesia irakasle errezitaldia eskainiko du.
68ko Maiatza deituriko gertakarien 50. urtemuga dela eta, Atellier Populaire sormen tailerrak ekoitzitako Paul & Annie Azoulay Bildumako kartel originalen erakusketa ireki du Photomuseumek. Erakusketa asteartean zabaldu zuten eta uztailaren 1a bitartean izango da ikusgai.
Torre Luzeako aretoak Zarauzko Argazkizale Elkartearen erakusketa jasoko du maiatzaren 17tik uztailaren 1 bitartean. Erakusketa egunero egongo da irekita, arratsaldez, 18:00etaik 20:00etara.
Leioako Arte Ederren Fakultateko ikasleen lanen erakusketa zabalduko dute bihar (ekainak 8) Sanz Enea kultur etxean. Bertan, pintura, keramika eta ikus-entzunekoak ikusteko aukera izango da, hilabetez, uztailaren 8ra arte; egunero, 18:00etatik 20:00etara.
Gure Sheepdog Trial artzain txakur lehiaketa jokatuko da asteburu honetan, Talaimendin, Zarauzko goiko kanpinaren ondoan. Border Collie txakurrekin lehiatuko dira parte hartzaileak; larunbatean (ekainak 9), 08:00etatik 17:00etara, eta igandean (ekainak 10), 08:00etatik 16:00etara. Probaz gain, ile- mozte erakustaldia, herri kirolak, artzain gazten salmenta eta taberna ere izango dira bertan. Sarrera doakoa izango da. Jexux Larrañaga zarauztarrak antolatu du egitasmoa, Zarauzko Udalaren laguntzarekin.