Azpeitiko auzitegiak ulertu du Talaimendi mediaren magalean eraikitako mega eraikuntza ez dela berreraiki den baserria, ez eta birgaitutakoa ere, baizik eta “Babes Eremu Bereziko Lurzoru Urbanizaezinean baimendu ezin daitekeen eraikuntza berria”. Martxoan epailearen aurrean agertu beharko dira, lehen aldiz, azken lau urteotan astakeria honen arduradun izendatuak izan diren batzuk. Aiako alkate ohia, egungo Urola Kostako Mankomunitateko buru dena, Aiako udaleko arkitekto eta aparejadorea eta bi promotore (horietako bat Maite Garrastazu, Zarauzko Udaleko zinegotzia) izango dira 2019ko martxoaren 11an epailearen aurrean eseriko direnak inputatu gisa. Beraz, guzti honegatik, Irabazi-Zarautz taldetik, Maite Garrastazu zinegotziaren dimisioa eskatzen dugu.
Amaia Puin arituko da ipuinak kontatzen, eta Elena Setien biolin biolin-jotzaileak girotuko du kontaketa. Sarrerak haur liburutegian jaso behar dira, emanaldia izango den astean.
Emakumeenganako Indarkeriaren Aurkako Nazioarteko Eguna izango da azaroaren 25ean. Zarauzko Sare Feministak elkarretaratzea deitu du egun horretarako, Nik sinesten dizut lemapean. Lege Zaharren enparantzan borobilean batzeko deialdia egin dute, 12:30ean.
Emakumeenganako Indarkeriaren Aurkako Eguna izango da igandean, azaroak 25. Horren harira, hainbat ekitaldi antolatu dituzte Zarauzko Parekidetasun sailetik. Egitarauaren barruan, Esku ahurretik edan zuten kale antzerkia eskainiko du Ainhoa Alberdik, igandean bertan, azaroak 25. 13:30ean izango da emanaldia, hondartzan, Baineru kalearen parean. Eguraldi txarra eginez gero, Parrokiko portxean izango da.
Hotz Zarautzek errefuxiatuen aldeko txokolatada solidarioa antolatu du iganderako, azaroak 25, Pertsona errefuxiatuen alde. Ez ditugu baztertu nahi lemapean. 17:00etatik 19:00etara izango da, La Perla kafetegian. 4 euro ordaindu beharko dira.
Biharko eta larunbaterako antolatu duten arropa biltzeko egitasmoaz gain, hurrengo asterako txokolate jana antolatu du Hotz Zarautz elkarteak hirugarren urtez.
Zarauzko Argazkizale Elkartearen eskutik, 26. edizioa izango da aurtengoa, eta Gipuzkoa, Kantabria eta Malasiako argazkilarien lanak bilduko dituzte Sanz Enean.