Aste honetako Gela programaren barruan Otto Preminger zinegile estatubatuarra izango dute hizpide. Jatorri judu-austriarra zuen Premingerrek, eta ikasketaz abokatua bazen ere, antzerkigintzan eta zinemagintzan aritu zen.
Mario Onaindia Fundazioak, Mario Onaindia zenaren omenezko jardunaldiak antolatu ditu biharko eta larunbaterako, Zazpi kultur Elkartean.
Zarautz Arraun Elkarteak proiektuan parte hartu nahi duten neska guztiak animatu nahi ditu bertaratzera.
Borobil Teatro konpainiaren lana. Sarrerak salgai daude Sanz Enean, 8 euroan.
Ferdinand Aire Etxart Xalbador bertsolariren figura gogoratzeaz gain, bere ibilbidea irudien bitartez jaso dute Zarauzko Argazki eta Zinema Museoan. Goresmenak Xalbadorri erakusketa urriaren 13ra arte izango da ikusgai.
Erakusketa berria zabalduko dute bihar Ipar kaleko Lukas ardotegian, eta, oraingo honetan, Arantxa Santamaria eta Ander Ormazuri zumaiarren lanak paratuko dituzte. Pintura, eskultura eta collageak ikusteko aukera izango da, irailaren 12tik azaroaren 4ra.
Bihar arratsaldean irekiko dute erakusketa eta azaroaren 3a bitartean egongo da zabalik, 18:00etatik 20:00etara.
Frederic Gutierrez Barde artista donostiarraren margolanak jarri dituzte erakusgai Zarauzko Torre Luzea aretoan. Egunero egongo da zabalik, 18:00etatik 20:00etara, azaroaren 3ra arte.