Udane Juaristi artista azkoitiarraren hainbat artelan bildu dituzte Arkami arkitektura estudioan (Kale Nagusia 32 behea), eta gaur arratsaldean egingo dute inaugurazioa. Ekitaldia 18:30ean izango da.
Aldi baterako erakusketa berria zabaldu dute Photomuseumen. Euskal erbestea Gerra Zibilaren ondoren izenburua darama, eta Gogora Memoriaren, Bizikidetzaren eta Giza Eskubideen Institutuak ekoitzitako proposamena da, zeinean garaiko testigantza grafikoa jasotzen den. Erakusketa atzo ireki zuten eta azaroaren 24a bitartean izango da ikusgai ohiko ordutegian.