1978ko abenduaren 6an egin zuten konstituzioaren erreferenduma Espainian. Euskal herritarren artean abstentzioa nagusitu bazen ere, konstituzio hori dago indarrean egun, eta harrezkero jai eguna da abenduaren 6a Hego Euskal Herrian ere. "Jai egun arrotzei aurre" egin nahi diete Danda Gazte Asanbladak eta Alde Hemendikek, eta ostiralerako hainbat ekintza antolatu dituzte.
Arte Erakusketa Kolektiboa zabalduko du Nahia elkarteak ostiral honetan, Merkatu Plazako lehen solairuan, eta irekita egongo da urtarrilaren 6ra arte. Astegunetan 18:00etatik 20:00etara bisitatu ahal izango da, eta larunbat, igande eta jaiegunetan, arratsaldetan ez ezik, eguerditan ere bai: 12:00etatik 14:00etara. Antolatzaileek jakitera eman dute abenduan 24, 25 eta 31n itxita egongo dela, baita urtarrilaren 1ean ere.