Balurdinek, Orokieta Herri Eskolako Gurasoen Elkartea, bigarren eskuko azoka prestatu du abenduaren hasierarako. Iaz Dislegi elkartearentzat izan ziren irabaziak, eta oraingoan, Hiritarron Harrera Sareari bideratuko diote eskuratutako zenbatekoa. Abenduaren 2an, 3an eta 4an jasoko dituzte jostailuak Itxasmendi auzo elkartean, hain zuzen, 09:00etatik 10:00etara, 11:30etik 12:30era eta 15:00etatik 16:30era.
Tim Kirbyren Argazkigintzaren maisuak dokumental saila ari dira ematen Photomuseumen asteotan. Bat-bateko judizioak da seigarren eta azken atala, eta bihar izango da ikusteko aukera.
Xabier Leteren omenezko Loreak eta zauriak ikuskizuna eskainiko dute Modelon Xabi San Sebastian, Beñat Gaztelumendi, Quico Pudges eta Joserra Senperenak.