Asier Ibarguren, Ane Beloki, Oihana Arana eta Beñat Gaztelumendi bertsolariak ariko dira bertsotan Torreoian. Sarrerak erreserbatu daitezke hemen.
Frederic Rossif zinema eta telebista zuzendari frantsesari eskainiko dio Photomuseumek gaurko saioa; 18:00etan, doako sarrerarekin. Dokumentalgintzan espezializatu zen bereziki, eta 60ko hamarkadan film propioak idazten eta zuzentzen hasi zen, pertsona garrantzitsuen biografiak, ingurumena, kultura eta historia jorratuz. Horien artean, aipagarria da Mourir à Madrid (1963), Jean Vigo Saria jaso zuena eta dokumental onenaren Oscar sarirako izendatua izan zena.
Ekainaren 18an ere zuzenean ikusi eta entzun ahal izango dira Arraio Irratiko Galdedebalde irratsaioko Stuart, Ortega eta Gasset kideak, eta Iker Lauroba musikaria izango da gonbidatua. Publiko modura joan nahi dutenek bihar erosi beharko dituzte sarrerak, 5 euroan. Putzuzulon egongo dira salgai txartelak, 19:00etatik aurrera. Bestalde, Galdedebalde-ko kideek gogorarazi dutenez, ostiralean 18:45ean itxiko dituzte gaztetxeko ateak, saioa hasi baino ordu-laurden lehenago.
Ikusi trailerra hemen: https://www.youtube.com/watch?v=tmn1cxTb0us&t=4s