Irudietan: Giza Proba San Pelaion

Zarauzko Hitza 2018-06-29 17:25   Kirola

Atzo amaitu ziren San Pelaio jaiak Iñurritza auzoan. Festen azken egunean, giza probako erronka izan zen ikusgai, eta amaitzeko, Iratzar musika taldeak girotu zuen gaua.

»» Ikusi argazki guztiak (10)

Irudietan: Haur jolasak Iñurritzan

Aritz Mutiozabal 2018-06-28 12:36   Jaiak

Eguraldi tristeak ez die eragin haurrei, eta sanpelaioei zuku guztia ateraz, Iñurritzan prestatu dituzten jolasetan parte hartzen ari dira. 11:30ean hasi dira haur jolasak, sanpelaioen barruan.

»» Ikusi argazki guztiak (10)

Bideoa: Eraso sexista bat salatu dute sanpelaioetan

Zarauzko Hitza 2018-06-28 12:18   Jaiak

Ekainaren 26an bi neska erasotu zituztela salatu zuten atzo gauean txosnetan. Erasoaren aurrean nola erantzun erabakitzeko batzar irekia egin zuen hainbat herritarrek, eta atzo kontzertu baten erdian oholtzara igo eta erasoa salatu zuten.

Apar festarekin eta nerabeen gunearekin gozatzen

Apar festarekin eta nerabeen gunearekin gozatzen

Zarauzko Hitza 2018-06-27 18:17   Jaiak

Haurren eta gazteen eguna da gaurkoa sanpelaioetan, eta Iñurritzan haientzako ekitaldiak antolatu dituzte. Frontoian apar festarekin gozatu dute etxeko txikienek; puzgarriak, aldiz, beranduago puztu dituzte, euria egin duelako. Nerabeen gunea irekita dago, eta hainbat gazte bertaratu da. Haurrentzako erromeria ere izango da, DJ Porrurekin.

Bideoa: Giro ederra jarri du Andoni gitarristak txosnetan

Zarauzko Hitza 2018-06-27 18:00   Jaiak

Presoen aldeko herri bazkaria izan da gaur Munoa plazan. Bazkalostean, Andoni gitarristak girotu du plaza, eta kantuan jarri ditu bertaratu diren herritarrak.

Irudietan: Presoen aldeko herri bazkaria

Zarauzko Hitza 2018-06-27 16:10   Jaiak

Txosnaguneko egitarauak aurrera darrai festetako hirugarren egunean ere. Gaurkoan, hainbat herritar elkartu dira presoen aldeko herri bazkarian. Aurpegiei erreparatuta, ezagun da sanpelaioetako hirugarren eguna dela iadanik, baina umoretsu eta festarako gogoz jarraitzen dute herritarrek, jaia eta aldarriak uztartuz. Patatak errioxar erara jan ostean, Andoni gitarrista jardungo da bazkalostea girotzen.

»» Ikusi argazki guztiak (8)

Irudietan: Oilasko biltzea

Aritz Mutiozabal 2018-06-27 15:43   Jaiak

San Pelaio bigarrenarekin bat eginez, oilasko biltzea egin dute Iñurritza Jai Batzordeko kideek eta hainbat bizilagunek. Iñurritzatik abiatu dira 06:00etan, eta ibilbidean hainbat geldialdi egin dituzte, ohiko dantza egiteko. Bien bitartean, baserri, etxe eta taberna batzuetako jabeek mokadutxoak eta edariak eskaini dizkiete. 14:00ak pasatxo iritsi dira Iñurritzako zelaira.

»» Ikusi argazki guztiak (57)

Irudietan: Gazteen Danborrada

Zarauzko Hitza 2018-06-27 12:54   Jaiak

San Pelaio jaien barruan Gazteen Danborrada antolatu dute aurreneko aldiz, eta gaur eguerdian astindu dituzte danborrak erdiguneko kaleetan barna. Gazte, eta ez hain gazteak elkartu dira danborra jotzen. Astelehenean hasi ziren festak, baina oraindik bada zer gozatua datozen egunetan. Hau da egitaraua.

»» Ikusi argazki guztiak (27)