Urola Kostako Udal Elkarteak, GAIA Klusterrak eta Deustoko Unibertsitateak antolatu dute irtenbide berritzaileak ezagutu nahi dituzten sektoreko enpresa, erakunde edo ekintzaileentzat. Horien artean aipatu dituzte surf eskolak, itsas irteerak, arrantza, arraun elkarteak, uretako motoen negozioak, itsas-ontzien ingeniaritzak eta itsasoko energiaren inguruko aholkulariak, besteak beste.

2023ko ekitaldi ekonomikoa itxi ondoren, Zarauzko Udalak 8.707.119,14 euroko diruzaintza-gerakina dauka. "Aurrerantzean ere udal baliabideak ahalik eta modu eraginkorrenean" kudeatzen jarraituko dutela azaldu du Iker Basurko Ekonomia zinegotziak.