Euskara elkarteek eskualdeko herritar guztiei dei egin nahi izan diete "euskararen aldeko lanera batu" eta EHEk antolatu dituen ekintzetan parte hartzera. Horien artean dago ostiral honetan, hilak 26, Donostiako Justizia Epaitegiaren aurrean 18:00etan egingo duten mobilizazioa.

Euskal Herrian Euskarazek apirilaren 22-28rako egin duen harrotze astearekin bat egiten dugula adierazteko, agerraldi bat egingo dugu Urolako kostako zenbait euskara elkartek. Tartean izango da Zarauzko Zirika euskara elkartea ere Maxixatzen, Zaparraie eta Larraina euskara elkartearekin batera.