Batu festara gure I.urteurrenean

Erabiltzailearen aurpegia

Datorren astean gure lehenengo urteurrena izango dugu! Ametsak betetzen joateko eta jendarte mundiala ezagutzeko parada izan dugu bitarte honetan, eta aurrera jarraitzeko ospakizun on bat bezalakorik ez dago.

Lakaritarron komunitatea sendotzen joateko, eta urtebete honetako lan guztia ospatzeko hainbat ekimen antolatu ditugu.

1. Urriak 22, larunbata. Igone Fanlok "Inprobisazioa eguneroko sukaldean" ikastaroa eman behar zuen, baina pena handiz bertan behera geratu da. Dena den, aurrerago egingo dugu beste saioren bat.

2. Urriak 26, asteazkena, 18:30. Amaia Diaz de Monasterioguren nutrizionistaren eskutik hitzaldi-tertulia izango dugu "Eskola Jantokia eta Elikadura Osasungarria" izenekoa. Gaur egun, asko dira eskola-jantokietan bazkaltzen duten haurrak, baina oraindik orain, ez dakigu gainerako otorduetan oreka nola topatu. Amaiak hitzaldi honetan, etxeko elikadura egoki baterako argibideak eskainiko dizkigu adibide praktikoekin. Zuen zalantzak bota eta tertulia eder batez gozatzeko aukera ederra izango da.

3. Urriak 28, ostirala, 19:30. Nordesia bermut galiziarraren dastaketa antolatu dugu Goñi ardotekako Amaya Goñirekin. 3 barietate probatzeko aukera egongo da (beltza, gorria edo zuria) mokadutxo batekin batera 2€ren truke. Larunbaterako aurre-beroketa paregabea!

4. Urriak 29, larunbata, 12:00-14:00. Egun handia. Gonbidapen berezia luzatu nahi dizuegu Lakari Kooperatiba proiektua gertutik jarraitu eta bizi duzuen guztioi. Horretarako haurrentzat (eta helduentzat) mural margoketa, gure mokadutxoak, Zarautz Beer Companyko garagardoa eta Occhi di Farfallaren kontzertutxoa izango ditugu. Guretzat plazer handia izango da #sorginenbrindisa zuekin partekatzea.

#txikitikeraldatzen #etorkizunalantzen #elikaduraetakontsumojasangarrialantzen #ESEereiten jarraituko dugu zu(r)ekin #zureneurrira #zuenneurrira

Batu festara!