Apirilak 21, Manifestazio Nazionala Bilbon
2018-04-17 07:44
Politika
Bada garaia! Presoak kalera! Konponbidea, bakea, askatasuna.
Manifestazio eta Ekitaldi Nazionala Iruñean
2018-03-09 07:09
Martxoaren 8an Euskal Herria geldituko dugu!
2018-03-05 19:32
gizartea
Aurtengo martxoaren 8a ezberdina izango da,Euskal Herriko Mugimendu Feministak Greba Feministarako deialdia egin baitu EMAKUMEOK PLANTO! leloarekin. Deialdi horri jarraituz, ekimenarekin bat egingo dute euskal sindikatuak lanuzteak legeztatuz lan merkatuan dauden emakumeek mobilizazioetan parte hartu ahal izateko horrela nahi izanez gero.
Torturaren aurkako eguna!
2018-02-13 18:18
Otsailaren 13a, Torturaren Aurkako Eguna. Minak luze dirau!
Zatoz Olentzerorekin kantatzera!!!
2017-12-22 11:28
gizartea
Abenduaren 24ean, arratsaldeko 18:00etan, Guria aurretik abiatuko gara Olentzerorekin kantuan. Animatu zaitez!!
Igandea Pariserako apuntatzeko azken eguna
2017-12-01 11:29
Politika
Igande honetan (abenduaren 3an) bukatuko da abenduaren 9an Parisen egingo den manifestazio historikora joateko autobuserako izena emateko epea. Zerrendak ordura arte zabalik egongo dira Arrano eta Eguzki tabernetan.
Herri Batzarra igandean
2017-11-02 21:14
Politika
Igande honetan, azaroaren 5ean, Herri Batzarra burutuko dugu Arranon. Ikasturte honetarako erronken inguruan hitz egingo dugu, herriko erronka zehatzak eta nazio mailakoak landuz. Goizeko 10:00etan bertan ikusiko garelakoan gaude, anima zaitez!!
SOLIDARITAT! Urriaren 3an Elkartasuna Euskal Herr
2017-10-03 07:20
SOLIDARITAT!
Urriaren 3an Elkartasuna Euskal Herritik. 19:00etan Mobilizazia Bulebarrean, 22:00etan Kazerolada Zarautzen Udal Etxeko Plazatik
Estatu kolpeari herri erantzuna
2017-09-20 19:37
Gaur Guardia Zibilak Generalitateko hamalau kide atxilotu eta bulegoak miatu ditu. Gaurko operazio honekin Espainiako Erresumak bere kirats autoritario eta antidemokratikoa azaldu du egiten dakien modu bakarrean: Guardia Zibila herri borondatearen aurka bidaliz. Hori dela eta, SORTUk honakoa dio:
Kataluniako herriari gure babes eta elkartasun osoa adierazten diogu. Euskal Herrian ere zoritxarrez badakigu zer diren halako salbuespen egoerak. Goizean esnatu eta Guardia Zibilak ostikoz ateak bota dituela jakitea. Kataluniako herriak egoera latz horietan elkartasun beroa adierazi izan digu beti eta orain gu ondoan izango gaituzte.
Disimulurik gabeko Estatu Kolpea da hau. Operazio honekin Espainiako Erresumak, de facto, 155. artikulu famatua aplikatu du praktikan modu koldarrean. Zergatik ez da ausartzen Rajoy garbi esatera Kataluniako autonomia suspenditu duela? Eta egoera honetan Urkulluren EAJk lankidetzarako eskua luzatzen jarraitzen du. Honakoa da Espainiako Gobernuak sustengu horrekin egiten duena: atxiloketak, miaketak, konfiskazioak, oinarrizko eskubide zibilak zapaldu eta herri borondatea zapaldu.
Autodeterminazioa eta burujabetza herrien eskubide ukaezinak dira. Kataluaniko prozesua eta urriaren 1eko erreferenduma 78ko Erregimena kolokan jarri duen torpedoa dira. Autonomien Estatua hil da. Estatuak berak hil du bere izaera zurrun, autoritario eta antidemokratikoaren bidez.
Gure herriak, kataluniak bezalaxe, burujabetza osoa behar du. Gure herriak, kataluniak bezalaxe, estatu propio bat behar du. Urriaren 1eko erreferendumaren alde gaude eta independentziaren alde gaude. Gero eta argiago ikusten da independentzia dela marko demokratiko bat eskuratzeko modu bakarra.
Euskal herritarrei kalera ateratzeko deia egiten diegu, Kataluniako herriaren jarrera eredu hartuta. Kataluniako joko zelaian Euskal Herriaren etorkizuna ere jokoan dago, 78ko Erregimena balantzaka baitago. Aurreko larunbateko bideari jarraituz, ikusle gradetatik jaitsi eta gutako bakoitza jokoan sartzeko garaia da.
SORTU ZARAUTZ
SORTU - Ezker Abertzalearen alderdi politikoa
larunbatean, Arranora joango naiz. mila esker
»» EZTABAIDA SORTU!