zarauzkohitza.eus

2018ko antzezlanerako izena emateko epea ireki du Alprojak

Erabiltzailearen aurpegia Alproja antzerki taldea 2018-05-21 11:06   kultura

Aurtengo Euskal Jaietan 40. urteurrena ospatuko du Alprojak eta antzezlan berezi bat prestatu du horretarako. Ohi baino entsegu gehiago izango dira, ekainaren 4an hasita: ekaineko 3 aste, uztaileko 2, eta abuztuan 20tik Euskal Jai egunera arteko 3 asteak.

2018ko antzezlanerako izena emateko epea ireki du Alprojak
Iazko Euskal Jai eguneko Alprojaren antzezlana. | Ikusi handiago | Argazki originala

Izena emateko ez da beharrezkoa egun guztietan entsaiatu ahal izatea, eta horretarako norbere disponibilitatea azaltzeko eskatuko zaie partehartzaile guztiei. 14 urte izan behar dira gutxienez parte hartu ahal izateko.

Izen ematea eta disponibilitatearen aipamena internetez bakarrik egin ahal izango da aurten, eta horretarako lotura honetan sartu, datuak bete eta 'Bidali'-ri eman behar zaio. Izen emateko EPEA EKAINAREN 3a izango da.

Ondoren, entseguei buruzko informazioa emailez jasoko dute parte hartzaile guztiek. Gogoangarria izango den antzezlan honen parte izatera animatzen zaituzte Alprojak, ohiko herrilan eta umore onaren bidez!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa