Vista Alegreko parkeko arkamurkak babesteko hainbat neurri hartu dituzte

Amaia Ventas Aldabaldatreku 2017-11-03 09:45   Ingurumena

Vista Alegreko parkeko arkamurkak babesteko hainbat neurri hartu dituzte

Zuhaitz horri lekua egiteko zenbait espezie inbaditzaile kenduko dituzte, eta arkamurka berriak landatuko dituzte garbitutako guneetan. Panel informatiboak ere jarriko dituzte.

Irudietan: Perretxiko erakusketa Merkatu plazan

Amaia Ventas Aldabaldatreku 2017-10-29 15:00   Ingurumena

Urtero legez, perretxiko erakusketarekin biribildu du Arkamurka elkarteak Natura Astea. Astean zeharreko hitzaldien ondoren, atzo sailkatu zituzten natur taldeko nahiz Aranzadiko kideek perretxikoak eta gaur jarri dituzte ikusgai Merkatu plazan. Horrekin batera, txoko didaktikoa eta kontsulta gunea ere atondu dituzte. Halaber, Merkatu plazako lehenbiziko solairuan Zarauzko inguru naturalaren erakusketa dago ikusgai. Arratsaldez, 16:30-19:30 bitartean egongo da zabalik.

»» Ikusi argazki guztiak (17)

Ehunka pertsona Mobibike Eguneko bizikleta martxan

Amaia Ventas Aldabaldatreku 2017-10-29 12:01   gizartea

Jende ugari bildu du Mobibike Egunak gaur. Aspanogi Gipuzkoako haur minbizidunen gurasoen elkarteak antolatuta, goizean BTT irteera eta triatloi txikia izan dira, eta ondoren bizikleta martxa pertsonaia ospetsuekin, besteak beste, Porrotx eta Haimar Zubeldiarekin.

»» Ikusi argazki guztiak (39)

10.000 kilo bizkarrera 18 minutuan

Amaia Ventas Aldabaldatreku 2017-10-28 20:29   Kirola

10.000 kilo bizkarrera 18 minutuan

Esan eta egin: 20 minutuan baino gutxiagoan eraman ditu bizkarrera Joxe Ramon Iruretagoiena Izeta II.ak 10.000 kilo. Zehazki, 18 minutu eta segundu bat behar izan ditu aiarrak 100 kiloko kubikoa eta 100 kiloko zilindroa bakoitza 50 aldiz jasotzeko, azken hori esku bakarrarekin.

Irudietan: Omenaldi beroa jaso du Izeta II.ak bere agurreko ekitaldian

Amaia Ventas Aldabaldatreku 2017-10-28 21:09   Kirola

Bere buruari ezarritako erronka beteta, omenaldi beroa jaso du Joxe Ramon Iruretagoiena Izeta II.a-k bere agurreko ekitaldian. Ehunka lagun bildu dira gaur arratsaldean Aritzbataldi pilotalekuan, harrijasotzaileak bere 44.marka nola hausten zuen ikusi eta hura omentzera.

»» Ikusi argazki guztiak (57)

Irudietan: 44. marka hautsi du Izeta II.ak agurreko ekitaldian

Amaia Ventas Aldabaldatreku 2017-10-28 20:42   Kirola

Jendez betetako Aritzbatalde pilotalekuan hautsi du Joxe Ramon Iruretagoiena Izeta II.ak bere 44. marka. 50 urterekin, 10.000 kilo altxatu ditu 18 minutu eta segundu batean, bi harrirekin: lehenbizi 100 kiloko kubikoa jaso du 50 aldiz, eta jarraian, atsedenik gabe, beste 50 aldiz 100 kiloko kubikoa, esku bakarrarekin. Hala agurtu du bere ibilbide profesionala harrijasotzaileak.

»» Ikusi argazki guztiak (34)

Irudietan: Desobedientziaren Kantu Bira

Amaia Ventas Aldabaldatreku 2017-10-28 14:47   kultura

Putzuzulo gaztetxearen 12. urteurreneko lehenbiziko ekitaldia egin dute gaur: Desobedientziaren Kantu Bira. Lege Zaharren enparantzatik abiatuta, Zarauzko herri mugimenduarentzat «garrantzitsuak» izan diren txokoak bisitatu dituzte: Imanol Urbietaren musika eskola zaharra, tren geltokia, Arraio irratiaren hasierako egoitza, Arrosaleda parkea... Gune horiekin zerikusia izan duten herritarrek txoko horietan gertatutakoaren inguruko azalpena eman dute, eta «herri mugimendu eta ameslari haiek» omentzeko abesti bana kantatu eta oroigarriak utzi dituzte.

»» Ikusi argazki guztiak (33)

«Ez daukat harriari gehiago eskatzerik, guztia eman baitit»

Amaia Ventas Aldabaldatreku 2017-10-26 09:00   Kirola

«Ez daukat harriari gehiago eskatzerik, guztia eman baitit»

Hiru hamarralditik gora harria jasotzen jardun ondoren, erretiroa hartzeko erabakia hartu du Joxe Ramon Iruretagoiena Izeta II.a harrijasotzaile aiarrak. «Egin beharreko guztiak» eginda, «harro» dagoela dio, eta hala agurtuko du ibilbidea.

Festei abiada bizia emateko

Amaia Ventas Aldabaldatreku 2017-10-19 09:00   Jaiak

Festei abiada bizia emateko

Bost urtez jokatu gabe egon ondoren, goitibeheren lasterketa berreskuratu dute aurten Kuadrilla Egunerako. Larunbatean askotariko ekitaldiak izango dira.

«Sentimenduetan eta balioetan bideratzen saiatu naiz liburua»

Amaia Ventas Aldabaldatreku 2017-10-11 09:27   kultura

«Sentimenduetan eta balioetan bideratzen saiatu naiz liburua»

Mi vida en una mirada eleberria kaleratu du Zarauzko bizilagun Joxe Enear eibartarrak. Gertuko pertsonen galerak sorturiko sentimenduekin idatzitako liburua dela aitortu du.

Merezitako omenaldia

Amaia Ventas Aldabaldatreku 2017-09-28 09:00   kultura

Merezitako omenaldia

Usua Garin, Izotz Barrio eta Andrea Lopetegiren Lu proiektuak irabazi du V. Daniel Txopitea Beka. Lou Olangua abeslariaren inguruko ikus-entzunezkoa sortuko dute.

«Istorio dibertigarri bat idatzi nahi nuen, ipuin klasikoetatik abiatuta»

Amaia Ventas Aldabaldatreku 2017-08-01 09:00   kultura

«Istorio dibertigarri bat idatzi nahi nuen, ipuin klasikoetatik abiatuta»

‘Aliren baba’ gaztetxoentzako liburua argitaratu du Aritz Mutiozabal idazleak, «behartu gabe, jatorrizko ipuinak testuingurutik atera eta eta bakoitzaren elementuak istorio berrian uztartuz».

Jarraikitasunaren emaitza

Amaia Ventas Aldabaldatreku 2017-07-20 10:22   kultura

Jarraikitasunaren emaitza

Biolin-jotzaile bakarlari gisa, Euskal Herriko Gazte Orkestrarekin kontzertuak ematen ari da Ainhoa Garayar egunotan. Abuztuan Donostiako Musika Hamabostaldian hartuko du parte lehen aldiz.

Errugbian bultza, emakumeak

Amaia Ventas Aldabaldatreku 2017-07-04 18:10   Kirola

Errugbian bultza, emakumeak

Ate irekien jardunaldia egingo dute bihar, emakumezkoak errugbian trebatzeko.  Asti kirolguneko errugbi zelaian izango da entrenamendua, 18:00etan hasita.

La Guardia, Go!azen, Zea Mays eta Vendetta, aurtengo Aste Nagusian

Amaia Ventas Aldabaldatreku 2017-06-29 17:38   Jaiak

La Guardia, Go!azen, Zea Mays eta Vendetta, aurtengo Aste Nagusian

Egitarau «anitza, zabala eta herritar guztiei zuzendutakoa» prestatu dute uztailerako eta abuzturako. Aste Nagusian bost kontzertu «handi» izango dira Daman.

«Esperientzia izugarria izan da»

Amaia Ventas Aldabaldatreku 2017-06-29 09:00   kultura

«Esperientzia izugarria izan da»

Alex Gonzalez Txabarrik Eurovision jaialdian hartu zuen parte, Manel Navarro Espainiako ordezkariaren taldekide gisa. ‘Priscilla’ musikalean ari da parte hartzen, eta aurten amaituko ditu antzerki ikastaroak.

Danbor hotsen oihartzun zabala

Amaia Ventas Aldabaldatreku 2017-06-24 14:00   Jaiak

Danbor hotsen oihartzun  zabala

1979an sortu zuen guraso talde batek Haur Kultur Taldea, herriko haurrak batu eta haien aisialdia betetzeko. Egindako ekarpena aitortzeko, eurek jasoko dute San Pelaio Makila.

400 bat haurrek hartuko dute parte danborradan

Amaia Ventas Aldabaldatreku 2017-06-24 13:00   Jaiak

400 bat haurrek hartuko dute parte danborradan

Igande arratsaldean izango da Haur Kultur Taldeak antolatu ohi duen ekitaldi nagusia: Haurren Agerraldia.