zarauzkohitza.eus

Artezaleak, ikasturte berria

Erabiltzailearen aurpegia Artezaleak 2018-09-14 13:01   kultura

Urriaren 1ean 2018/2019 ikasturteari hasiera emango diogu, aurten ere, iaz bezala, Ebro Etxean eta Villa Mundan. Dagoeneko ireki da izena emateko epea ikastaro desberdinetan, arte eta artisau jardueretan trebatzeko. Eskaintza zabala da haur, gazte eta helduentzat.

Haurrentzat zeramika, zirkomotrizatea, plastika, adierazpen tailerra, joskintza, sormena eta pintura, komikia eta ilustrazioa, eskulanak ingelesez eta antzerkia eskaintzen dira. Gaztetxoentzat joskintza eta zeramika ikastaroak daude. Helduentzat berriz, betiko aukeren artean bolilloak, laboreak, joskintza, zeta eta portzelana gaineko pintura, marrazketa eta pintura tailerrak, komikia eta ilustrazioa, zeramika, zaharberritzea, clown tailerra, kaligrafia eta antzerkia ditugu. Halaber, urtean zehar tailer monografikoak aurkeztuko dira. Jarduerak ezagutu nahi dituztenei, bertaratu eta tailerrak ezagutzeko gonbidapena luzatzen diegu. Informazio guztia gure webgunean eskuragarri dago: www.artezaleak.eus. Izen-ematea telefonoz (943 835 568) edo emailez egin daiteke (artezaleakzarautz@gmail.com).

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa