Espartzu

espartzu. 1) iz. Poazeoen familiako landarea; hosto luzeak ditu eta bihurrikatuz zuntzak eta sokak egiteko balio dute (Stipa tenacissima).

espartzu. 2) iz. Landare horren hostoetatik ateratako zuntza; sokak, saskiak eta kidekoak egiteko erabiltzen da zuntza hori.

espartzu. 3) iz. Garai batean ontziak garbitzeko erabiltzen zen espartzu xehatua, estropajoa.

Lurralde lehorretako landarea da espartzua (Stipa tenacissima). Garai batean aski erabilia, gaur egun gero eta gutxiago ezagutzen dira gai horrekin egindako zuntz, soka, saski, kapazo eta antzekoak, Murtziako Cieza herriko industriaren aztarrenak salbu. Industria horren hondakinak garbiketarako erabiltzen ziren, ontziak garbitzeko espartzuak ziren (estropajoak). Garai batean espartzu asko ekarri ohi zen Euskal Herrira, abarketa, apreta edo espartinen zoruak egiteko erabiltzen zen gaia baitzen. Abarketak oinetako mota ezagunak dira, zorua espartzuzkoa eta gainaldea ehunezkoa dutenak. Espartzua gai bereziki lehorra da, eta horregatik erabili izan da konparaketak egiteko: espartzua baino lehorragoa benetan oso lehorra da, erabat lehorra.