Zarauzko Orokieta Herri Eskolan matematika irakasteko darabilten EABA (Eragiketa Aritmetikorako Beste Algoritmoak) sistema aztertu zuten joan den asteburuan ETBko Teknopolis saioan. Hala, Orokietako ikasleen kalkulu mentala sustatzeko eta kalkulagailuaren funtzioak erabiltzen ikasteko baliatzen dituzten teknikak erakutsi dituzte telebistan, baita kolorezko erregeletekin egiten dituzten ariketak ere.
Orokietari ez ezik, Kristina Zuza UPV/EHU ikertzaileari ere egin zioten tartea asteburuko saioan, eta zientziaren irakaskuntzaren eboluzioaz hitz egin zuen, hain justu.