Auto txikiekin ibiltzeko pista erraldoia, puntuazioa digitalki ikusteko pantailak, eta errege-opila. Hiru elementu nagusi horiek aurkitu dituzte gaur 10:00etatik aurrera Usategiko lokalera joan direnek.
Han, giro paregabean, hogei lagun inguruk parte hartu dute scalextric-eko XX. Errege-opil Lasterketan. Ondoren, ohiturari jarraituz, errege-opila jan dute hamaiketakoan.
Luis Gonzalez Zumaiako elkarteko lehendakariak eta Jon Mendizabal afizionatu zarauztarrak eman dituzte txapelketari, zirkuituari eta afizioari buruzko xehetasunak.