Izeta II.ak irabazi du Zarauzko I. Bi Harri txapelketa

Zarauzko Hitza 2016ko mar. 27a, 16:53

Izeta IV.a sailkatu da bigarren, 22 jasoaldirekin; eta Jokin Eizmendi zarauztarra hirugarrena izan da, Jai Txiki eta Mollarri harri baldarrak 21 aldiz jasota.

Joxe Ramon Iruretagoiena Izeta II.ak irabazi du Zarauzko I. Bi Harri txapelketa. Atzo, larunbata, jokatu zuten proba Aritzbatalde kiroldegian, eta aiarra nagusitu zen, Jai Txiki eta Mollari harri baldarrak 25 aldiz jasota. Izeta IV.a izan zen bigarren sailkatua, 22 altxaldirekin; eta Jokin Eizmendi zarauztarra hirugarren lekuan gelditu zen, harriak 21 aldiz jasota. Ikusi argazki bilduma, hemen.

Hamazazpi harri-jasotzailek parte hartu zuten proban, eta honakoa zen haien lana: Jai Txiki eta Mollarri harriak jaso behar zituten, txandaka. 117 kilo ditu Jai Txiki harri koadroak, eta 121 Mollarri oboideak. Zazpi minutuan, ahalik eta jasoaldi gehien eman behar zizkieten Zarauzko kostatik ateratako bi harriei.

Hau da atzoko sailkapena:

  1. Joxe Ramon Iruretagoiena Izeta II.a: 25 jasoaldi. 12 aldiz Jai Txiki, eta 13 aldiz Mollari.
  2. Hodei Iruretagoiena Izeta IV.a: 22 jasoaldi. 11 aldiz Jai Txiki, eta 11 aldiz Mollari.
  3. Jokin Eizmendi: 21 jasoaldi. 11 aldiz Jai Txiki, eta 10 aldiz Mollari.
  4. Mikel Lopetegi Urra: 20 jasoaldi. 10 aldiz Jai Txiki, eta 10 aldiz Mollari.
  5. Joseba Ostolaza Ostolaza II.a: 18 jasoaldi. 9 aldiz Jai Txiki, eta 9 aldiz Mollari.
  6. Jexux Mari Iruretagoiena Izaeta III.a: 17 jasoaldi. 9 aldiz Jai Txiki, eta 8 aldiz Mollari.
  7. Imanol Illarramendi Kortaberri: 16 jasoaldi. 8 aldiz Jai Txiki, eta 8 aldiz Mollari.
  8. Urtzi Telleria: 15 jasoaldi. 8 aldiz Jai Txiki, eta 7 aldiz Mollari.
  9. Beñat Telleria: 15 jasoaldi. 8 aldiz Jai Txiki, eta 7 aldiz Mollari.
  10. Agustin Iruretagoiena Izeta I.a: 15 jasoaldi. 8 aldiz Jai Txiki, eta 7 aldiz Mollari.
  11. Josetxo Urrutia: 12 jasoaldi. 6 aldiz Jai Txiki, eta 6 aldiz Mollari.
  12. Aimar Galarraga: 12 jasoaldi. 6 aldiz Jai Txiki, eta 6 aldiz Mollari.
  13. Iagoba Otaegi: 11 jasoaldi. 6 aldiz Jai Txiki, eta 5 aldiz Mollari.
  14. Xabier Peñagarikano Erreuzta: 11 jasoaldi. 6 aldiz Jai Txiki, eta 5 aldiz Mollari.
  15. Iñigo Eizagirre Eiza: 11 jasoaldi. 6 aldiz Jai Txiki, eta 5 aldiz Mollari.
  16. Sergio Mielgo: 9 jasoaldi. 5 aldiz Jai Txiki, eta 4 aldiz Mollari.
  17. Xabier Ariztegi Santxin: 3 jasoaldi. 2 aldiz Jai Txiki, eta behin Mollari.
kirola Zarautz