Aurten ere, Zarauzko Triatloirako dortsal bat zozkatuko dute Pagoeta Mendi Lasterketako parte-hartzaileen artean. Horretarako, ezinbestekoa da probarako izena ematea hilaren 7a bitartean. Herrikrosa.eus webgunean egin daiteke, 18 euro ordainduta. Horrez gain, Pagoeta Mendi Lasterketaren Facebook-eko profilean sartu, Atsegin dut aukera sakatu eta iruzkin bat utzi beharko da.
Dortsalaren zozketa hurrengo egunean egingo dute, hilaren 8an.
Maiatzaren 15ean jokatuko da mendi lasterketa, Salbatore Mitxelena Ikastolak antolatuta.