Kepa Junkerak Maletak lana argitaratu berri du. Sorginak taldea izan du bidaide, bigarrenez. Sorgin horietako bat zarauztarra da: Eneritz Aulestia. Aurkezpenean adierazi zuen "plazera" izan zela aurreko diskoan, Trikitixaren istorio txiki bat lanean parte hartzea, "eta, nola ez, baita disko honetan ere". "Keparekin ikasketa bide bat egiten ari gara, eta ilusio handiz hartzen dugu", aitortu zuen zarauztarrak. Marea Zumaian bideoklipa estreinatu dute. Itzurunen grabatu dute Sorginek eta Junkerak.