Euskal Herriko Herriarteko pilota txapelketa jokatuko du Azpeitiak datorren larunbatean, Zarauzko Aritzbatalde pilotalekuan. Donezteberen (Nafarroa) kontra jokatuko dute Ilunpe pilota elkarteko mutilek, 10:30etik aurrera. Astean zehar jarriko dituzte saltzen sarrerak, eta ohi bezala, autobusa jarriko dute Azpeititik Zarautzera.
Pilota aukeraketa bihar egingo dute, Aritzbatalden bertan, 19:00etan, eta ordu erdi geroago, finala aurkezteko ekitaldia egingo dute. Bertan izango dira Patxi Jauregi Euskadiko Euskal Pilotako Federazioko presidentea, Zarauzeko Udaleko ordezkariak eta finala jokatuko duten pilotariak.