Gau oskarbiaren ondoren, eguraldi atseginarekin argitu du egunak. Zerua garbi mantenduko da egun osoan eta eguzkia izango da nagusi. Ipar-ekialdeko haizeak joko du eta aurreko egunetan baino tenperatura altuagoa izango da: 25 gradu egingo ditu gehienez eta 14 gradu gutxienez.
Itsasoak lasai jarraituko du; ipar-mendebaldeko hondoko itsasoak metro erdi inguruko olatuak altxatuko ditu. Hala ere, azken orduetarako handitu egingo da eta metro betekoak izango dira olatuak. 11:03an izango da itsasbehera eta hurrengoa 23:37an. 17:27an egongo da goian marea.