Atzo, jubenil mailako Europako Eskubaloi Txapelketako txanda nagusian lehenbiziko partida izan zuen Eneko Goenaga eta Mikel Amilibiaren taldeak, Espainiak, Danimarkaren kontra. Alde handirik gabe irabazi zuen azken horrek, 24-25 eginda, hain zuzen.
Porrot horren ondoren, finalaurrekoetara igarotzeko aukerak gutxitu zaizkio Espainiari. Hala ere, eduki, baditu: batetik, Esloveniari irabazi beharko dio gutxienez 5 puntuko aldearekin, eta bestetik, Frantziak Danimarkari irabaziz gero.
Bihar izango da Eslovenia eta Espainiaren arteko partida, 19:00etatik aurrera Zagrebeko (Kroazia) Sutinska Vrelan.