Lehenbiziko finalaurrekoa jokatuko dute gaur, 17:00etan, Asegarceko Olaizola II.a-Untoria eta Urrutikoetxea-Albisuren artean. Txapelketaren aurkezpenean, enpresa horretako ordezkari Rafa Etxeberriak aurreratu zuen bi bikoteak "une honetan sasoi gehien dutenak" direla, eta "onenak" aukeratu dituztela, "partidak onak" izateko.
Horrez gain, beste bi partida izango dira: Retegi Bi-Irusta eta Artola-Ibai Zabalaren artean bata, eta Elordi-Martija eta Laso- Imazen artean bestea.
Beste bi jardunaldi izango dira ostiralean zein igandean. Abuztuaren 19an jokatuko dute bigarren finalerdia Aspeko pilotariek: Irribarria-Merino II.a eta Altuna III.a-Zabaleta bikoteek, hain zuzen. Finala, berriz, abuztuaren 21ean jokatuko dute.