Zarauzko Udalak eta Dekolore elkarteak antolatuta, lore eta landareen udazkeneko azoka egin dute gaur, Zigordia kalean. Bertan, askotariko produktuak izan dira: landare eta lore aukera zabala, arbusto apaingarriak, landare aromatikoak, jangarriak, sendabelarrak, kaktusak, landare krasak, besteak beste. Horrez gain, artisauek ekoitzitako produktu kosmetikoak eta sendagarri naturalak ere saldu dituzte, eta baita haziak ere, sukaldatzeko zein sendabelarrak landatzeko.