Bilboko Loraldia jaialdiaren barruan, Eutsiko diogu, Pete! kontzertua eskainiko du Lou Topetek martxoaren 26an, Arriaga antzokian. Emanaldi bakarra izango da, hainbat kolaboratzaileren laguntzarekin –Harkaitz Cano, Eñaut Elorrieta, Aiora Renteria, Anje Duhalde eta Izaro–, eta horretarako propio prestatutako errepertorioa landu du taldeak.
Hain justu ere, horren testigantza utzi nahian, Pete Seeger gogoan iraupen laburreko omenaldi lana grabatu du. Andoaingo Garate estudion aritu dira ontzen diskoa, Martxel Arkarazo soinu teknikariaren gidaritzapean, eta 300 ale argitaratuko ditu, aipatu emanaldian salgai jarriko dituztenak. Euskarri digitalean doan eskuratzeko aukera eskainiko dute, eta horretarako webgune bat sortu du taldeak.
Diskoan lau abesti jaso dituzte: Norekin hago?, Lur hau zurea, Su hau, Gabon Ailin eta Loreak non dira?. Lou Topetek egin ditu abestien moldaketa musikala, eta Harkaitz Canok euskaratu dizkie letrak.