Donosti Cup txapelketako hainbat partida jokatuko dituzte Astin

Aurreko urteetan bezala, txapelketako sailkapen nahiz kanporatze faseak jokatuko dituzte Asti kirolgunean.

Gaur goizean hasi dira lehiatzen zelai artifizialean, eta asteazkena bitartean, sailkatze partidak izango dituzte jokoan; ostegunean, berriz, play-off kanporaketak jokatuko dituzte.

Ostegunean, era berean, G14 eta G16 mailetako emakumezkoen txapeldunen ligako hiru partida izango dira ikusgai belar naturaleko zelaian: final hamaseirenetako bi eta final zortzirenetako bat, alegian.