zarauzkohitza.eus

Haurren jardunaldia izango da lehenbiziko aldiz Halterofilia Kriteriumean

Zarauzko Hitza 2017-07-13 11:25   Kirola

Larunbatean jokatuko dute VI. Jose Mari Illarramendi Saria.

Haurren jardunaldia izango da lehenbiziko aldiz Halterofilia Kriteriumean
Iazko kriteriumeko irudi bat. | Ikusi handiago | Argazki originala

ZKEko Halterofilia saileko pultsolariez gain, Sol y Luz, Crossfit Zarautz, Basoa Zarautz eta Crossfit Zurriola taldeko kirolariak lehiatuko dira Halterofilia Kriteriumean. Taldekako txapelketa izango da; bost talde ariko dira, bakoitza lau partaidez osatuta.

Era berean, kluben arteko Espainiako Ligarako puntuagarria izango da VI. Jose Mari Illarramendi Saria. Kasu horretan, ZKEko 6 kirolarik osatutako bi talde eta Sol y Luz taldekoek hartuko dute parte.

Aurrez, umeentzako jardunaldia izango da lehenbiziko aldiz. Horren helburua da haurrek halterofilia ezagutu eta "giro atseginean kirola egitea". Era berean, txanda eta txanda artean, ZKEko Herri Kirol sailekoen erakustaldia izango da. Hona hemen egitaraua:

  • 15:30-16:30. Haurrentzako jardunaldia.
  • 16:30-17:45. Lehenbiziko txanda.
  • 17:45-19:00. Bigarren txanda. Emakumezkoak.
  • 19:00-19:15. ZKEko Herri Kirol sailekoen erakustaldia.
  • 19:15-20:30. Hirugarren txanda.
  • 20:30-20:45. Sari banaketa.

2017/07/15 15:30-20:45

Malekoia | Zarautz

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa