Larunbatean, bertako zein kanpoko saltzaileek landare eta lore aukera zabala eskainiko dute azokan: barnekoak, sasoikoak, usaindunak, zuhaixkak, besteak beste. Horiez gain, bertan izango dira salgai landareetatik eratorritako askotariko produktuak: xaboiak, produktu kosmetikoak, sendagai naturalak, haziak, sendabelarrak, lore lehorrak zein pitxiak. Herritarrek ekoizleekin harreman zuzena izateko aukera izango dute.