Jubenil mailako munduko eskubaloi txapelketa azken txanpara heltzen ari da. Gaur jokatuko dute finala, 16:00etan, eta bi talde indartsu izango dira nor baino nor: Espainiakoa eta Frantziakoa. Amenabarreko jokalari Eneko Goenaga eta Mikel Amilibiaren taldeak, Espainiak, atzo lortu zuen finalerako txartela, Kroazia mendean hartuta. Partida estua izan bazen ere, 26-22 gailendu ziren Espainiako taldekoak. Kasu honetan, Goenagak eta Amilibiak ez zuten golik markatu.
Horren ondoren, gaur jokatuko dute azken partida, Frantziaren kontra. 16:00etan hasiko da eta, ohi bezala, zuzenean jarraitu ahalko da lotura honetan.
