Nerea Ibarzabalek irabazi zuen atzo Zumaian, Aitzuri pilotalekuan jokatutako Bertsolari Txapelketa Nagusiko final-laurdeneko saioan, 698,5 punturekin. Haren atzetik Nahikari Gabilondok eta Miren Artetxek berdinduta bukatu zuten, 661,5 punturekin. Gisa horretan, puntuazioaren arabera, finalerdietarako sailkatu da bertsolari zarauztarra. Saioko beste bertsolariak Arkaitz Oiartzabal Xamoa (627,5), Asier Otamendi (617,5) eta Ibon Ajuriagojeaskoa (616) izan ziren.