Datorren urterako ordenantza fiskalak behin behinean onartu ondoren, aurrekontuen inguruko parte hartze prozesua antolatu du Udal Gobernuak. Herritarrek proposamenak jasotzeko helburuarekin zazpi bilera egingo dituzte; horietako bi aste honetan izango dira. Gaur 19:00etan Iñurritza-Mendilautako bizilagunekin bilduko dira, Iñurritzako jubilatuen elkartean. Bihar, berriz, Aritzabatalde-Azken Portu inguruko auzotarrekin izango dira Udal Gobernuko ordezkariak, Kristau Biltokian, 19:00etan.
Bileretara joan ezin dutenek bi bide izango dituzte iradokizunak egiteko: udaletxe aurrean, Herritarren Arreta Zerbitzuaren parean, Iñurritza auzoan, Aritzbatalde kiroldegia, udal euskaltegian, Vista Alegre auzoan eta Sanz Enea kultur etxean jarri dituzten postontzien bidez eta posta elektronikoz aurrekontuak@zarautz.eus helbidera idatzita.