Vista Alegreko bizilagunekin bilduko dira Udal Gobernuko kideak gaur, 19:00etan, auzo elkartean. Etzi, berriz, Alde Zaharreko bizilagunekin egingo dute bilera, Portuetxen, 19:00etan.
Ekarpenak egiteko beste bi bide ahalbidetu ditu Udal Gobernuak. Batetik, udaletxe aurrean, Herritarren Arreta Zerbitzuaren parean, Iñurritza auzoan, Aritzbatalde kiroldegia, udal euskaltegian, Vista Alegre auzoan eta Sanz Enea kultur etxean postontziak jarri dituzte, proposamenak idatziz jasotzeko. Bestetik, posta elektronikoz ere egin daitezke iradokizunak, aurrekontuak@zarautz.eus helbidera idatzita.