zarauzkohitza.eus

Azaroaren 16an Musikaren Eguna ospatuko dute Musika Eskolakoek

Zarauzko hitza 2017-11-10 14:02   kultura

Imanol Urbieta Musika Eskolako ikasle eta irakasleek Musikaren Eguna ospatuko dute azaroaren 16an, datorren ostegunean.

Musikaren Eguna ospatzeko ekitaldiak egingo dituzte ostegunean (azaroak 16), 17:30etik aurrera. Imanol Urbieta Udal Musika Eskolako ikasleek eta irakasleek parte hartuko dute ospakizunean.

17:30ean hasita, bi kalejira egingo dituzte: bata, Zigordia kalean hasiko da eta udaletxeko plazatik Musika plazara joango da. Bestea, Kasino kaletik aterako da, Gipuzkoa kaletik pasatu eta Musika plazara joango da. 18:00etan bi kalejiretako partaideak Musika plazan elkartuko dira, eta bertan hainbat abesti eskainiko dituzte. Bukatzeko, Musika plazan bertan txokolatada egingo dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa