zarauzkohitza.eus

Tona erdi kokaina atzeman eta bi pertsona atxilotu dituzte Zarautzen

Zarauzko hitza 2017-11-10 15:38   gizartea

Marihuana plantazio bat atzemateaz gainera, tona erdi kokaina atzeman eta bi pertsona atxilotu ditu Espainiako Poliziak Zarautzen. Gaur eguerdian Canillasen (Espainia) emandako prentsaurreko batean jakinarazi du Poliziak.

Espainiako Poliziak Zarauzko barruti batean tona erdi kokaina atzeman ditu, zulo batean ezkutatuta. Horrekin lotuta, bi pertsona atxilotu ditu Zarautzen bertan. Gainera, marihuana plantazio bat atzeman dute herriko etxebizitza batean. Datu horiek gaur eguerdian Canillas herrian (Espainia) Poliziak eman ditu prentsaurreko batean.

Granadan (Andaluzia, Espainia) ere kokaina kantitate handia atzeman du Espainiako Poliziak eta beste hiru pertsona atxilotu ditu. Poliziaren arabera, Zarautzen eta Espainian atxilotutakoak nazioartean droga banatzen zuen talde antolatu berekoak dira. Guztira, 1,2 tona kokaina atzeman ditu Poliziak.

Goizean zabaldu da marihuana plantazioa atzeman dela Zarautzen, zulo batean. Baina zuloan atzeman dutena kokaina izan da.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa